Q: 患者是在什麼狀態下會被綁和強行打針？ 你如何理解這個做法?
Cherry: 上面提到嘅 Seclusion Room， 叫做物理約束 (Physical Restraint)。另外仲有化學約束 (Chemical Restraint)。物理約束永遠係醫護人員嘅 last resort。醫護人員通常會先嘗試其他方法，如 Counselling (輔導)、或者比一間獨立房病人冷靜一下。如果真係冇辦法先至會用物理約束，當然亦會向病人同家屬解釋原因。
醫院會喺以下情況用物理約束：
第一，病人有機會令自己受傷，包括病人插緊尿喉但成日想掹，又或者係老人家坐得唔好，要長期加安全帶先唔會跣。
第二，病人有機會傷害自己或他人。
物理約束時間每個人唔同。例如老人家長期要用安全帶先坐得直睇電視，佢嘅物理約束時間就會長啲。期間醫護人員會同病人郁動下。小朋友就比較少用約束帶，我地通常會比間鋪滿 Cushion 嘅房佢地冷靜下。例如過度活躍嘅小朋友好鍾意扻頭埋牆，我哋就會俾佢入房冷靜，大前提係唔希望佢傷害到自己。另外，物理約束都有分好多種。除左約束帶，扣條安全帶、放小朋友入一間房度冷靜、目的是令到佢哋活動範圍受限，已經係物理約束嘅一種。化學約束就係打針。通常係病人精神狀態不穩，未能用口服藥物，我地先會打針，希望可以令病人冷靜落黎，唔好傷害自己。
登入可以閱讀更多……
