我患上情緒病了，應否辭職休養呢？
黃姑娘：
依一年入面，我好似係天堂同地獄之間來回，真係好辛苦。上年我升咗職，唔單只要做多好多野，仲要管人，但依個機會好難得，我唔想令人失望。
個期個腦每分每秒都諗住公司野，一開始我每日都ot，七點鐘就返到公司做野，每日淨係瞓三四個鐘都唔會覺得攰，個陣我覺得自己好犀利，諗咗好多野想改善條team，甚至想改善成間公司嘅運作，因為加咗人工，我又會買好多嘢嚟獎勵自己，甚至人生第一次碌爆卡。點知冇幾耐我開始有下屬遞信走，一個接一個，走咗一半人，公司其他人又會講閒話，個陣我好大壓力，不斷諗自己係咪做錯嘢，夜晚瞓唔著，早上係張床上面又完全唔想起身，一諗起返工我就好驚，有時我仲會聽到聲，啲聲鬧我無用，我真係覺得好辛苦，有時想衝出馬路比車車死算。
我屋企人好擔心我，於是同我一齊去睇精神科醫生，結果我被診斷出躁鬱症及思覺失調。我嘅工作完全被依兩個病搞亂哂，就算好簡單嘅嘢，依家要用多三四倍時間嚟完成，工作愈積愈多，我就愈焦慮，有時我會匿入廁所喊。我唔想比人知我有病，係公司我都會避開啲同事，但又驚佢地覺得我好怪。每日返工對我講黎都好似地獄咁，我覺得自己依家只係格硬留係度，我有諗過辭職，但依份工都算高薪厚職，一辭就未必搵得返，以後搵工可能又會被人問三問四。我又諗，一辭工我就係無業遊民，咁大個人留係屋企唔做嘢，真係好難接受…
阿心
阿心：
從你的文字中感受到你面對的矛盾，工作在你心中十分重要，因此即使現時情緒負荷過重，仍難以下決定。工作一直以來都是體現自我價值的其中一個標準，因此我們都會害怕失去工作，因為這樣可能就無法感覺自己的價值，一旦讓自己休息，我們便會自我批判，甚至有一種浪費時間的想法，感到自責、內疚。
每個人都有自己固有的生活模式、人生目標，不少復元人士在患病初期都會面對一個難題：現時的自己好像無法再做到以往習以為常的事，因此會對自己失望，這時我們的思考方向專注在「過去」；同時如我們亦常常會擔心未來自己能否做到自己的目標，想著未來要如何進步，這時我們的思考方向專注在「未來」，但我們其實需要渡過當下，才能走到未來，所以「現在」對復元來說十分重要，你可以問問自己：「怎樣做對現在的自己是最好的？」
改變不代表退讓，個人復元(Personal Recovery)是一個人生命轉化的歷程，在過程中，復元人士會改變心態、目標與角色1，發展出新的個人生活意義，使人跨越精神病所帶來的負面影響。你可以根據自己的情況先調整生活方式及對自己的期望，例如調整工作量或工作性質，假如你決定辭職，亦未必代表生活變得沒有價值，你可以訂立新的生活時間表，規律的時間會先讓你有安心感，每個人的興趣、潛能和價值觀都不一樣，因此你的復元路(Recovery pathways) 亦是獨一無二的。無論你的選擇如何，記得提醒自己有改變的空間，毋須過份批判自己已作出的選擇，期待你下次的來信！
輔導員
黃姑娘
